"फुलल्या जाई जुईचा सुवास विठ्ठल ध्यास विठ्ठल अन् श्वासही विठ्ठल ||धृ|| मनीची माझिया निरागस भक्ती उरीची जीवन जगायाची शक्ती भोळी दर्शनाची आसही विठ्ठल ||१|| सवंगडी माझा आणिक माझा सखा धावोनी संकटी येई पाठीराखा तनी आत्म्याचा वासही विठ्ठल ||२|| माझी माऊली अन् माझा बाप सुख अंतरीचे माझिया अमाप जगी ममतेचा सहवासही विठ्ठल ||३|| जग सारं खोटं तोच एक सत्य नित्य वाहते मी चरणी अगत्य माझ्यावरी माझा विश्वासही विठ्ठल ||४|| ✍🏻:- संचिता गड्डमवार ©sanchita gaddamwar"