Mujhe neend bahut ati hai,
Itna so leta Hun kabhi ki,
Sapne mein hi bhook lag jati hai,
Khwabon mein hi,
Biryani, kebab, halwa,
Aur na jaane kaise khatarnaak vyanjanon ki
Line lag jati hai,
Khayali Khushboo se
Pet to nahi bharta par
Dil ki Chandi ho jati hai
Mujhe neend bahut ati hai
Office mein baithe baithe kabhi chair pe
Sar jhoolne lagta hai,
Itna Dard deti hai neend kabhi, meetha SA,
Ki rote huae bhi hasi a jati hai
Wo jo na so pane ka meetha Dard hota hai,
Han rone ka man karta hai,
Ki bhai ab bas karo,
Par majboori aisi behaal karne wali ki,
Hasi a jati hai,
Mujhe neend bahut ati hai
Gulabi date pe,
Khoobsurat girlfriend ke saath,
Dinner ka plan Banta hai,
Fir Netflix,
Dil Laga kar uski batein sunta Hun,
Hasta hun, hasata Hun,
Aur bharosa deta Hun,
Ki main kitna interested Hun,
Par ye ubaasi kambakht
Dhokha de jati hain,
Mujhe neend bahut ati hai
Mujhe Neend Bahut Ati Hai
#Neend #sleep
