"#5LinePoetry કેવી મજાની દુનિયા ! કાગળ, કલમ, કવનની કેવી મજાની દુનિયા ! અદ્ભૂત આચમનની કેવી મજાની દુનિયા ! શૃંગાર શબ્દનો લઇ માળા પરોવવાની, શ્રધ્ધા અને શ્રવણની કેવી મજાની દુનિયા ! રૂઝાઈ જાય દર્દો વાગોળતા ગઝલને, પીડા અને શમનની કેવી મજાની દુનિયા ! આકાર લઇ રહ્યા છે સાક્ષાત બ્રહ્મ થઇને, શબ્દો થકી સ્તવનની કેવી મજાની દુનિયા ! જાત્રા કરી રહ્યા છે અક્ષર સકળ જગતમાં, ગાથા અને ગહનની કેવી મજાની દુનિયા ! વાંચે ભલે ગમે તે, અંગત બધાને લાગે, વાણી વ્યથા વહનની કેવી મજાની દુનિયા ! મહેંકી રહી છે માટી, જેના દરેક પાને, જાણે સફર વતનની કેવી મજાની દુનિયા ! @ મેહુલ ઓઝા, જામનગર. ... ©Mehul Oza"