"اس قدر آپ پر فدا ہوں میں آپ بس آپ سے خفا ہوں میں سوچتا ہوں ترے ہی بارے میں خود غرض کتنا ہو گیا ہوں میں آپ کا دل ہی بھر گیا ورنہ اب تلک قابلِ سزا ہوں میں تیسرا میں ہی تھا مثلث میں میں سمجھتا تھا دوسرا ہوں میں سب مسائل ہی آگہی کے ہیں کیا میں سمجھا تھا اور کیا ہوں میں اب ضرورت ہے کیا دلیلوں کی آپ نے کہہ دیا , برا ہوں میں آپ کو روشنی سے مطلب ہے آپ کو کیا کہ جل رہا ہوں میں جو بھی آتا ہے اس سے کہتا ہوں تجھ سے ملنے گیا ہؤا ہوں میں مانگتے ہی نہیں مری رائے سب سمجھتے ہیں مر گیا ہوں میں شعر ابرک اسی کو کہتے ہیں منہ سے جو خود کہے نیا ہوں میں ۔۔۔۔۔ ©Lal Writes"