"स्मरणगंधित त्या लाघव वेळा मोगऱ्यासम दरवळणाऱ्या, कुंतलात त्या माळताना तव स्पर्शात विरघळणाऱ्या..! मिठास मिठीची भारीच मिठी रोमांच तनावर येई न्यारा, क्षण धुंदीतले बेधुंदसे फुलतो मनाचा प्रीतपिसारा..! रंग प्रणयी मिठीत सजता तुझ्यात माझा विरघळ व्हावा, श्वास कंपने तनामनांची क्षण क्षण तो रोमांचित व्हावा..! अभिलाषी त्या क्षणी न तृप्तता ओढ मिठीची तुझ्या प्रवाही, अवीट मधुर प्रणयगंधाची मिळे मधु मिठीत ग्वाही.. रोहिणी पांडे"