"ৰৈ নোযোৱা কথাবোৰ : আপুনি কি সঁচাকৈ জুবিন গাৰ্গৰ গান শুনে ? : হাৰে শুনো মানে নকবা আৰু কিছুমান গান শুনি এতিয়াও কান্দি থাকোঁ । : হে ভগৱান ল'ৰা মানুহেও তেনেকৈ কান্দে নে ? মন যায় গানটো বেছিকৈ লাগি যায় চাগে । : ও ৰে সঁচাকৈয়ে । পিছে তুমি কেনেকৈ জানিলা ? : ল'ৰাবোৰৰ সকলোৰে তেনেকুৱা হয় । বুজি পাওঁ : বাহ ল'ৰাৰ কথা খুব জানা মানে । : তেনেকুৱা নহয় মোৰ ল'ৰা বন্ধু বেছি । : হয় নেকি । বাৰু মই জুবিনৰ গান শুনা কথাত আচৰিত হৈছিলা যে কিয় ? : নহয় মানে মোক বহুত অসমীয়া বন্ধুয়েই উপদেশ দিয়ে কিছুমান ইংৰাজী গীত শুনিবলৈ...ইংৰাজী strong হ'ব মোৰ বুলি.. : তুমি ভাবিছিলা চাগে মইও ক'ম । তাতে মইতো অসমীয়া নহয়...বাকী শিকিব খুজিলে নিজে নিজেই strong হ'ব সকলো ভাষা । : অসমত থাকি অসমীয়াত কথা পতা , সংস্কৃতিক ভালপোৱা , আঁকোৱালি লোৱা প্ৰত্যেকজন মানুহ অসমীয়া । ছ'ৰী মোৰ কথাই যদি আপোনাক আঘাত দিলে । মই আচলতে ইমান ভবা নাছিলোঁ । : হে ভগৱান ইমান কেনেকৈ ছ'ৰী কৈ থাকিব পাৰে কোনোবাই ? : মই পাৰোঁ 😁 : পাগলী তুমি.. : নহয় মই ভালেই । কেৱল কেতিয়াবা.. : কি ? : একো নহয় । : কি নো কোৱাচোন । : সকলো কথা ক'ব পৰা নাযায় .. : কিছুমান কথা বুজিবলৈ ও থৈ দিব লাগে ন ? : তেনেকুৱাই আৰু.. : তুমি ৰ'দ ভালপোৱা ন বহুত ? : আপুনি কেনেকৈ জানিলে ? : তোমাৰ ষ্টেটাছ বোৰত আকৌ । : আপুনি কি ভাল পায় ? : বৰষুণ.. : হম বৰষুণ ভালে । কেৱল মাত্ৰ কবিতা লিখিবলৈহে... : হে ভগৱান বৰষুণৰ নাম লওঁতেই বৰষুণ দিলে । মোৰ কাপোৰ আছে বাহিৰত । : বাৰু মই ৰাখিছোঁ । : একো নহয় লাগি থাকক ফোনটো .. গান এটা লগাই থৈছোঁ শুনিবা " এজাক বৰষুণে মোক চুই থৈ গ'ল...." @ঋকশিখা ©Rikshikha kashyap"