પડ્યાં છે ઉંધા જીંદગીનાં સૌ પાસાં,  તારી હાર છે નિશ્ચિત, તું રાહ ન જો!     કહેતાં હતાં ક્યારેય હું દૂર ન જાઉં તારાથી, આજે એ જ છે બદલાયાં, તું રાહ ન જો!  દર્દ, ઉદાસી, પીડા તારાં સૌ સાથી'ને સંગાથી. હવેથી ખુશીની એક લહેર ન આવે, તું રાહ ન જો! જીવન એટલુંય સીધું નથી જેટલું સમજીએ ‌છીએ ઉતાર ચઢાવ તારે જ પસાર કરવાનાં, તું રાહ ન જો!   પારકાં છે એ પારખી ન શક્યાં, ને‌ ભ્રમમાં રહ્યાં એ આપણાં નહીં જ બને, કોઈની તું રાહ ન જો! ગમે એટલું બોલાવો તો પણ એ ક્યાં સાંભળે છે? માધવ પણ અજાણ થયો, હવે તો તું રાહ ન જો!    જીવન જીવવાની એક જ તો છે ફિલસૂફી, જાતે જ મોજમાં રહેવું, બીજાની તું રાહ ન જો! -"કુંજદીપ" ©Kinjal Pandya

Kinjal Pandya

બાપ એ દીકરી માટે આભ જેવડો ટેકો હોય છે તો દીકરી બાપની ધરા. - કિંજલ પંડ્યા ©Kinjal Pandya

Kinjal Pandya

🪔તમસો મા જ્યોતિર્ગમય🪔 सूर्य संवेदना पुष्पे:, दीप्ति कारुण्यगंधने| लब्ध्वा शुभम् नववर्षेअस्मिन् कुर्यात्सर्वस्य मंगलम् ||  જે રીતે સૂર્ય પ્રકાશ આપે છે, સંવેદના કરુણાંને જન્મ આપે છે, ફૂલ હંમેશાં મહેકતું રહે છે એવી જ રીતે આવનાર આ નવા વર્ષનાં દરેક દિવસો, દરેક પળ તમારાં માટે મંગલમય  હો!  નુતન વર્ષના અભિનંદન🙏🏻 - કિંજલ પંડ્યા ©Kinjal Pandya

Kinjal Pandya

એક તારા જ ઉપર મરે જિંદગી, આપ તું સાથ તો આ ગમે જિંદગી. આજ મારા થવાનું તને હું કહું, તું જો આવેતો જીવી ઉઠે જિંદગી. આજની રાત હું તારી સાથે રહું, કાલની વાત શું જાણશે જિંદગી?? શ્યામની રાહમાં આજ ગોપી ઝૂરે, શ્યામ આવે તો સૌની ઠરે જિંદગી. આજ પ્રેમે નવું રુપ ધારણ કર્યુ, રાધા ને કાજ કૃષ્ણે ધરે જિંદગી. -કુંજદીપ ©Kinjal Pandya

Kinjal Pandya

બે હોત તો... છૂટા પડી ગયાં હોત. આ એકને અલગ કેમ કરીને કરવાં? - કિંજલ પંડ્યા ©Kinjal Pandya

Kinjal Pandya