"ગઝલ : માંગવા જેવું હશે કર્મ નું ફળ ચાખવા જેવું હશે દાન માં પણ આપવા જેવું હશે દેવ ને પણ છૂટ ક્યાં મળતી કદી ? જીવ ને ક્યાં ભાગવા જેવું હશે ! મેળ ના હો એકબીજા ને છતાં સ્નેહ બંધન સાંધવા જેવું હશે પ્રેમ માં કાયમ મળે છે વેદના તે છતાં એ માણવા જેવું હશે દીપ સાથે જે બળી મળશે મને એ મળેલું રાખવા જેવું હશે સંગ માં પાયલ તણી રણકાર માં ધ્યાન દો તો જાણવા જેવું હશે વિશ્વ આખું એક નો વિસ્તાર, એ સાર માં પણ ગાળવા જેવું હશે દેહ નશ્વર ને અમર આત્મા છતાં એજ તારણ ભાંગવા જેવું હશે જ્ઞાન ના સ્વામી બની શાને ફરો ? શેષ કંઈ પામવા જેવું હશે હેત થી સૌ ને તમે સ્વીકારજો બંદગી માં માંગવા જેવું હશે - તીર્થ સોની "બંદગી" રાજકોટ"