Main jis din na rahu..aey asmaan tu thoda gulaabi ho jaana.. Rang mujhe asmaani aur laal bhi pasand hain, Buss uss din tu thoda ruhaani ho jaana.. Kuch khaas toh kiya nahi zindagi me maine, Par dil se zindagi ko chaha bahot hai, Isi baat pe tu thoda jazbaati ho jaana.. Bahot se log toh nhi jaante mujhe, Magar mere apne shayad rote ho,unke aansu udane k liye ek halki si hawa chala jaana.. Sukoon toh mujhe baarish bhi bahot deti thi, Tu mere baghichey par ek bheegi si phuhaar hi gira jaana.. Kehte hain farishtey se log jab jaate hain tab tu bhi rota hai, Mujh jaise adna insaan k liye bus ek barik si lakeer hi bana jaana... Main jis din na rahu,uss din ko kuch khaas bana jaana.. Aey asmaan mujhe bus tujhme sama jaana..

Vidushi Upadhyay

Ek kitaab mil gayi thi..nayi si.. Naye panno ki khusbu wali.. likha kya tha ? padhna kise tha ! Bus panne palatne ki awaz ka nasha laga tha. Fir ek din kitaab kho gayi... aur kayii saalo baad mili. Panne toh matmaile rang gaye. Par khushboo hai..ab bhi barkarrar..! Kuch alag, purane bakse ki rivayat wali.. Mere bachpan ki parchayi bhi dikhti hai isme. Koi keh rha hai tumhari nhi thi , dhundho naam kiska hai uss par.. Ab kya bataun!!..pasand thi tabhi toh aaj bhi mere paas hai.. kitaab bhi aur us par likha naam bhi....

Vidushi Upadhyay