SUNA HAI…. suna hai mene inn hawaon se, suna hai mene inn fizaaon se, jiss gair ke liye dooriya jo layi thi, iss rishte me daraar jo ayi thi, maano na maano pr wo paraayi thi… suna hai, wo raaton ko khairiyat ki khatir sath jaagti nahi, tumhari udaasi me kandhe pr hath ferti nahi, wo choti-choti baaton pr ladti nhi, apne kahe pr yun addti nahi                          zidd karti nahi… wo alfaazat se to bakhoobi wakif hai, par tumhare jazbaat se nahi, wo tumhare jhut ko sach nahi manti, shayd meri tarh tumhara gussa jhelna nahi janti… wo tum par khuli bheegi zulfein nahi jhatakti, tumhe to mai sir par rakhe pallu me bhi thi khatakti, kyoki jism ki nazdeekiya to sare-aam bazaar me payi, par dil ki nazdeekiya wo aaj bhi na de payi… suna hai, kisi manaane wale ke intezaar me ho, kisi ko manaane ke intezaar me ho, aisa to hona hi tha gar, dilo me shiddat ke taar na ho… ye jo haath pakadne ko taraste ho tum, duaa hai kabhi to kisi ke sacche farishte ho tum, par ab tum uske nakhre nahi sehte, akhir tumhare dost bhi to use kabhi bhabhi nahi kehte. Suna hai, Wo tumhe pareshaan dekh kar nadaaniya karna nahi janti, Wo dil dukhati hai par tumhe khone ke darr se maafi mangna, jhukna, roona, saccha pyaar karna nahi janti... ©Lavanya Ghodki

Lavanya Ghodki